Frägled doch schnell aa es het no Wild zum Pöschtnälä

Es isch vum Glarnerland ds REH ds GÄMSI und au de HIRSCH

ds Wild wird erleit vu mim Maa , em Walti, mir metzgeds au selber und dr nah wirds iigfrorä

Es gäbti

zum Biispiel

R E H -

G A M S -

H I R S C H -

Ruggä

Schnitzel

Steak

Ghackets

Voressä

Es het au wieder di feinä

Wildwürscht

womä cha

im heissä Wasser 20 min. ziehä luu,

mä chas brätlä i de Pfannä,

oder sogar zum Grillä nii.

Super fein .

Dr Inhalt vu denä Wildwürst isch natürli :Hirschfleisch.Rehfleisch au Gamsfleisch

dä hets no bitzli Speck vum Schwii das bruchts dr zuä (suss währed d Würscht ja trochä wenä cheib.)

Chumm probieärs doch us !!

Au dieä Würscht

chamä gfrorä pöschtnälä.

Für es z Vesperplättli

oder au nu zum chlä Biggä

hämmer au grauchets vom Hirsch

zum Uufschniedä

Zuätatä:Hirschfleisch ,Gwürz

und vorallem kei Pöckelsalz,

ds Fleisch isch Natur pur.

Was au no git isch grauchets Wildschwii

das isch dä usemä anderä Kantuu.

Mir im Glarnerland händ keis sones Säuli.

Aber au das wird grauchet: chalt gräucheret

und isch au uni Pökelsalz